'T Palazzo Pitti es e palys en e museum in den Italioanschn stad Firenze woarda 't an de zuudkant van de riviere Arno ligt.
De rykkn bankier en commerçant Lucca Pitti wildigde round 1440 voor emzelve een palys lattn bouwn da grôoter en schoonder wos dan ol de andere palyzn in't stad. Iermee ad ie surtout de familie de' Medici ip't oge die ip die moment êen van de belangrykste families wos van Firenze. 't Palazzo Pitti werd uutendelyk in 1458 gebouwd achter e tèkenienge van Brunelleschi, moar achter een tydje wos de familie Pitti kapot geconcurreerd en ze gingn falliet. 'T hêele palys werd verkocht in 1549 an Eleonora van Toledo wordeur da't in andn kwam van de familie de' Medici die der vo de volgende êeuwn in gingn weunn (tot et uutstervn van't geslacht in 1737). 'T palys ei pertank de noame van zyn êerstn eigenoare bluuvn oud'n, oewel dat de familie Pitti der dus mo kort in eit verbleevn. Wel ein de Medici uit nyd vo de Pitti ol ulder woapnschildn deruut verwyderd, op êentje na da nu nog te zien es in de oogte links op den oek van de Sdrucciolo dei Pitti, 't smolle stratje tegenover 't palys. Cosimo I de' Medici verbound als grôotertog ôok 't Palazzo Pitti me 't Palazzo Vecchio deur de constructie van de Corridoio Vasariano.
Achter de Medici wos't palys van't uus Habsburg Lotharingen moar ol de kunstschatn die de Medici der verzoameld ad'n kwoamn nie in ulder bezit mo wiern eigndom van 't stad Firenze. Achter d'êerste fase van d'Italioansche êenmoakienge wos Firenze efkes (van 1859 tot 1870) de ôofdstad van't land en werd 't palys de residentie van d'Italioansche keunienklyke familie. E grôot dêel van d'indeelienge komt uut deezn tyd.
An't ende van de 16de en bist de 17de êeuwe wos ter gin êen vorstelyk palys grôoter lyk 't Palazzo Pitti. In de loop van de tyd es ter ôok nog an bygebouwd. De gevel es 205 meter lank en 36 meter oge. 't palys eit e grôote cortile of koer, die ontworpn es gewist deur Bartolomeo Ammanati. De cortile dient als e soorte van toegang tot de Bobili-hoovn die hoger geleegn zyn achter 't palys. Ip die koer stoat e grotte, de Mozesgrotte, met nen ovoaln woaterreservoir. De cortile koest ôok ounder woater gezet wordn vo der e zêeslag t'ensceneern (e gedacht dat ginspireerd es deur de naumachia in de Oudheyd.
In't gebouw zyn der nu zes museums:
In de Galleria Palatina, 't museum me schilderkunst, angn werken van vele Italiaanse kunstschilders lyk:
Der angn ôok buutnlandsche schilders, ounder andere Diego Velázquez, Antoon van Dyck en Rubens.
